Anakke Tangi

wadah tumbu isi mrica
di gawe bumbu wadahi kreneng
taun baru kakean rencana
sirahe ngelu dadine puyeng

banyu wutah metu keran
keran siji paralon loro
sirah puyeng golek hiburan
hiburan wengi kelon karo bojo

kupat tahu di wadahi piring
piring pecah sigar sepapan
mripat turu mlumah mbalik miring
nunggu bojo ora lek ndang mapan

lengo wajan rupane ireng
ampas telo rasane legi
bojo mapan ati seneng
tiwas gelo anakke tangi


( ngimpi )

semen garing di gawe cagak
diulet karo pasir ditambahi banyu
angen-angen miring remuk neng awak
ngampet mikir duh sliramu wong ayu

godhong pring godhonge jati
tibo garing kepangan sempring
milang miling kahanane ati
ngenteni wayah kapan iso sumanding

nyonggo piring cendok'e keri
nyokot  iwak alot mencolot tengah santen
awak gering ngrasakke ati
awak mriang abot nyonggo roso kangen

esuk-esuk sarapan tela
sinambi ngopi neng ngarep pendapa
sugeng pethuk para pamiarsa
mugi-mugi pinaringan bagas santosa

pendapa agung sapinggiring taman
taman endah puspa arum nggondo wangi
tinimbang ngalamun ayo padha gegojegan
nglipur manah supaya seneng ing ati